`दिनविशेष`कार संजीव वेलणकर
समाजमाध्यमांत दररोज निरनिराळ्या लोकांचे परिचय, त्यांच्याविषयीची माहिती अचूकपणे गेली ८ वर्षे सातत्याने, निरपेक्ष भावनेने लिहित राहणे ही सोपी गोष्ट नाही. पुण्यातील संजीव वेलणकर आपला केटरिंगचा व्यवसाय सांभाळत समाजातील विविध क्षेत्रात कार्यरत मान्यवर व्यक्तींचे परिचय आपल्या फेसबुक, इन्स्टाग्राम अथवा व्हॉटस्अप ग्रुप अशा माध्यमांतून करुन देतात. एखादा अपवाद वगळता, दररोज त्यांचे हे लेखन हजारो, लाखो लोकांपर्यंत पोहोचते. मागील आठ वर्षांत, त्यांचा हा प्रवास कसा झाला, त्यांचे अनुभव काय आहेत याविषयी संतोष देशपांडे यांनी त्यांच्याशी साधलेला हा संवाद ऐकणे, हा देखील एक छानसा अनुभव ठरतो.